暹 (裝修中)

同朋友喺尖沙咀行搵嘢食，行吓行吓行左去諾士佛台，見到有間泰國嘢咁就去試吓。上到去其實冇乜人，可能今日星期日平日啦，我哋坐低咗睇餐牌叫嘢食。我哋見到一個特別廚師推介，咖喱蟹肉包，覺得好似好新奇有趣所以叫咗黎試。其實佢都幾好食個包都唔會太硬，咖喱夠味，唯獨是係食唔到有蟹肉😂我哋又嗌左個車木瓜沙律，夠凍夠清夠甜我哋又嗌左個馬拉盞炒通菜，辣到懷疑人生，鐵碟菜食唔晒因為真係太辣。海南雞呢就都幾滑，好味！我最欣賞就係個生菜包，味道鹹度適中，唔會太濕又唔會太乾，正！