麻辣風雲 (京都廣場) (已結業)

小妹今日同朋友係銅鑼灣行完街之後就打算係附近食飯, 大家都突然想食酸菜魚🐟, 於是就決定去食麻辣風雲, 一上到去已經爆哂人, 好彩等左陣就有位! 餐廳提供多款唔同菜式, 有辣有唔辣, 而且價錢唔貴, 所以小妹同朋友都叫左幾樣野!🌟前菜🌟菊花蜜🌼🏺菊花蜜用左酒埕嚟裝住, 仲用古代酒杯嚟飲好得意, 味道甜甜地, 好香菊花味, 冰冰凍凍好解渴🌟炸饅頭炸饅頭用左一隻船🛳嚟裝住, 霸氣十足, 饅頭外脆內軟唔油膩! 醬汁方面有4款, 除左有傳統嘅煉奶🍼之外, 仲有秘製蔥醬, 朱古力醬🍫同抹茶醬🍵, 咁就唔怕悶啦!🌟酸菜魚🐟酸菜魚小妹點左小辣🌶, 湯汁酸度夠, 辣度岩岩好, 魚肉好多, 口感嫩滑無骨, 入面仲有窩荀, 寛粉, 芽菜同大量酸菜, 餸白飯🍚一流!🌟臘肉炒白菜臘肉口感脆嫩, 肥而不腻, 瘦肉油亮而緊實, 食落有陣陣煙燻味, 白菜吸收左臘肉嘅油香同咸味, 食落更惹味!🌟酒釀丸子酒釀丸子相對出面食到嘅大碗🥣, 酒味同桂花味清香微甜, 丸子口感軟糯, 味道不錯!