麻辣風雲 (已結業)

今日同男朋友又嚟食麻辣風雲，朋友同我講叫我唔好成日都食酸菜魚叫我試吓佢哋同樣出名嘅水煮牛肩肉！所以今日我係為左呢個牛肩肉而到訪🤫首先介紹吓今日嘅主角-水煮牛肩肉。呢碟水煮牛肉賣相超級紅卜卜，我覺得辣得超級過癮！最後仲拎埋佢啲湯汁黎撈飯🤭牛肩肉片煮得幾好唔會話好老，肉質嫩滑。呢個水煮牛肩肉果然係一試難忘！好耐冇食過雞翼尖，嚟到呢度見到餐牌有麻辣雞翼尖，不過本身都冇咩抱好大期望，因為自己一直都食開B仔雞翼尖覺得佢係最好食嘅。點不知今日事緣麻辣風雲呢個雞翼尖我覺得佢真係超級好食😋秘製麻辣炒薯粉又係抵讚，薯粉嘅軟硬度煮得剛剛好！唔會話好淋同時亦唔會炒到好乾，其次辣味調製得好好，好惹味😋初頭以為薯粉會淡味，點知原來煮幾入味👍🏻