川味辣蟹·串燒·烤魚·雞煲·專門店 (已結業)

疫情期間又好想食雞煲，呢間位於金巴利道附近門面好搶眼掛左幾個大燈籠既川味雞煲餐廳見望落好似唔錯甘就決定買外賣回家吃，除左雞煲原來仲有辣蟹，羊腩，串燒等等既選擇真係花多眼亂，我揀左個半隻花膠辣雞煲，花膠好淋，都幾大片，雞肉都幾多，辣得過癮，串燒我就叫左隻燒BB乳鴿，外皮雖然燶左dd，但隻乳鴿既肉質都係好淋既，仲叫左串牛柳粒串燒，牛肉串加上辣粉，肉味濃得黎又辣辣地甘，唔錯嫁，而且串燒辣度可以自己選擇，唔太食到辣既落單都可以揀BB辣。