花椒子 (已結業)

工作日辣癮大發，勁想食辣，就來佐尼間“辣到上太空”的花椒子。店裡裝修風格非常特別，好多太空元素，科幻迷會特別鍾意。上餐速度好快，涼菜泡椒鳳爪是第一道上的涼菜，入口淡淡的鹹香同泡椒味，但不算太辣，口感爽脆，酸酸辣辣又凍食，啃得很過癮，完全停唔到口，非常開胃。紅油抄手都好味，望落好辣，但入口唔辣。跟住上佐藤椒鱸魚片，食落藤椒比花椒的麻味清爽，而且冇咁刺激。湯底濃白，鱸魚片量很足，魚肉滑嫩無刺，但滑得來依然保留魚肉的紋理，魚肉唔會糊爛，入口味道鮮香。美蛙魚頭鍋是推薦菜，屬於火鍋類，吃完魚頭同蛙肉仲可以打邊爐。魚頭同蛙肉份量好大，兩個人食到勁飽。魚頭煎至表皮金黃上色，魚頭的外皮在鍋裡吸收湯底後，變得油潤鮮香，加埋辣度都幾有挑戰性，入口直呼過癮。最鍾意食蛙腿肉，蛙肉非常新鮮，超級肥美，而且處理得很乾淨，肉質好鮮嫩。美蛙魚頭鍋煮到後面的辣度已經需要凍飲品助力。飲品特別推薦牛油果鮮奶！口感非常滑，牛油果味好香，而且沒有粗冰粒，飲完又可以繼續食辣。食完魚頭同蛙肉，又加了午餐肉和老油條繼續煮。食完覺得今晚的辣癮都滿足曬～～～埋單後仲抽佐個優惠券，下次又可以開心來食啦～