椒椒相見 (興發街) (已結業)

天后清風街天橋底出哂名食肆林立，但自從轉咗工之後就好少喺港島出沒。隔一段時間再嚟到發現好多新面孔嘅餐廳都進駐咗呢個餐廳鬥獸場。椒椒相見呢個名可謂相當鬼馬，第一次喺中環街市見到佢地嘅分店已經覺得個名相當入腦，今次終於約到愛食辣嘅朋友一齊試呢間餐廳。餐廳門口有住大大幅噴畫同埋霓虹燈，老遠都見到非常搶眼。點餐前已經會附上一小碟麻辣蓮藕，麻味重辣味輕，相當開胃。棒棒雞朋友以為呢味菜係雞鎚，其實佢係一味川式嘅冷盤前菜，手撕雞肉、青瓜絲再配上涼皮，拌上花生醬同埋少少辣油，味道唔算太辣，青瓜嘅清新感撞落Creamy嘅花生醬同雞絲肉，口感好有層次。酸菜魚食川菜如果想食麻辣就一定食水煮魚，要酸辣就一定係酸菜魚。兩道菜都各有千秋。就返朋友仔嘅BB級食辣級數所以叫咗酸菜魚。呢道菜餐廳做得好足料，配菜上有齊哂酸菜、木耳、蓮藕片、乾椒、粉皮、花椒、蒜粒。最有誠意嘅加分位係佢地仲落埋菊花瓣作提味同裝飾。魚塊非常滑之餘仲要啖啖肉唔會有骨，食得非常放心。鮑魚乾鍋夠哂鑊氣，辣味方面餐廳做得幾好，冇特別要求嘅情況下都做到辣麻兩味平衡。鮑魚唔會overcook，食落口感軟身而又少少彈牙。附加嘅牛柏葉同魷魚鬚都好入味！孜然炒