陳記魚蛋 (已結業)

今朝去睇跌打，每次睇吹打都要等成個鐘，又未食嘢，所以出發前食串魚蛋墊下肚先！陳記魚蛋夠彈牙，不過佢嘅靈魂係啲辣汁！蒜味濃，甜甜哋，好好味！我記得佢之前啲汁係有唔辣，其實食落都係有辣味，宜家直情改咗做小小辣！不過啲辣汁同麵筋一齊食最夾！吸晒啲味！😋其實我覺得一串好食嘅魚蛋一定要夠彈牙同有魚味！另外仲要有獨家嘅招牌秘製醬汁先吸引到食客返翻！眼見咁多魚蛋檔，啲魚蛋又冧又無魚味，得果啲大路咖哩味，食過一次唔會再幫襯！難怪長期要做買一送一優惠啦！