無辣不歡 (已結業)

好耐都冇嚟葵廣搵食，今日嚟到發現多咗好多間新店，見到有幾個人喺到食蕎麥麵，雖然自己唔係好食得辣但見到人地食得咁滋味，忍唔住叫咗個細嘅嚟試一試，老細話可以要原味（小辣），中辣同大辣，我就緊係要原味啦😂由於太多人幫襯，買完嘢食都要等一陣先有。個麵嘅賣相都唔錯，蕎麥麵加咗d麻油同辣汁去撈，食落去幾香幾好味。手撕雞應該係一條條細細條咁，但呢到就係一舊舊，雖然入口嘅時候唔辣，但後勁好強，越食越辣，條脷重有少少痺，但食食下又好正，好似上癮咁不停食🤤最後食晒成兜麵同雞，成個額頭都係汗😂