湘聚小廚

营业中

休息中

「香港既夏天又濕又熱，梗係要食辣野袪濕啦！」老友咁講，雖然我唔太食得辣，今晚都捨命陪君子啦。孜然寸骨 ($108)，肉質較乾身，我覺得一般，但朋友最鍾意食肉乾，佢覺得好正！寸骨被孜然醃過，好香，再加埋辣椒蒜蓉，更係惹味。乾鍋花菜 ($73)，呢個係我既推介，椰菜花本身帶有清甜味，加上香辣調味，好好食，齋食呢個都可以啪兩碗白飯。香辣手撕雞 ($138)，經過油炸，加左一重香脆口感；味道唔太辣，細細粒容易食。豉椒炒蜆 ($88)，呢個係以上幾碟之中最唔辣既，蜆肉鮮甜無沙，朋友最愛呢一碟，有水準。