麻辣風雲 (已結業)

我好鐘意四川麻辣嘢，一早bookmark左想食「麻辣風雲」一段時間，終於係上星期趁朋友放假，就拉埋佢去旺角新分店一齊去試下岩唔岩口味。我地叫左幾個菜式，分別係螞蟻上樹，椒鹽魷魚鬚同水煮牛肉肩😋😋😋 呢度啲食物份量又大，而且好好食，我同朋友都好滿意✌🏻😛螞蟻上樹原來係四川菜，粉絲同肉碎味道啱啱好，粉絲唔會炒得糊爛，帶少少辣度好開胃，超啱送飯撈埋黎食🍚椒鹽魷魚鬚鑊氣十足，惹味的椒鹽配爽口彈牙的鮮魷，加多杯啤酒，簡直一流🍺今日既重頭戲絕對係依個水煮牛肩肉，由於可以自選辣度麻度，對於我依咁鐘意食辣野既辣妹黎講一定係叫大辣多麻🌶 麻辣味好香，夠哂麻又唔會麻到苦，食到咀唇麻痹痹地食到好過癮，牛肉用上牛肩肉而唔係普通既肥牛或者肥肉，肉質嫩牛味好重，配料仲有紅薯寬粉、萵筍、豆卜等等，樣樣都勁入味，令人垂涎欲滴✌🏻😛