成都老碼頭火鍋 (已結業)

聽朋友仔講，旺角有間麻辣火鍋好正，黎到覺得同返大陸食既幾似，無論環境同味道都係。先點一個鴛鴦湯底，因為怕太辣太刺激，所以揀左紅油同豬骨湯。然後就去自己整個油碟，四川人食麻辣火鍋鍾意點麻油同蠔油，聽講係因為可以令食物食落冇咁辣之餘冇咁傷腸胃。點左呢幾款火鍋配料我覺得都唔錯。珊瑚蚌，唔係成日見到，食落夠新鮮爽口，唔洗烚好耐。老友鬼鬼，係墨魚滑釀油炸鬼，油炸鬼索晒d湯口感又幾得意，有兩層不同感覺。紫薯寬粉，雖然食就食唔出有紫薯味，不過口感煙韌既薯粉同麻辣湯真係好夾。瘋狂辣牛肉，平時打邊爐多數食肥牛，呢個有d似滑牛片，但佢外表沾滿乾辣椒，牛肉唔會過韌，辣得過癮。功夫土豆片，呢個係簡單薯仔片，但好考功夫，因為要切到咁薄，食起上黎先會咁爽脆。