十二味麻辣小當家 (已結業)

朕向來唔食得辣，但既然森哥強力推介有呢間隱世麻辣小館，再辣都要試下！呢間鋪唔咪冇經過，但一睇見食辣就三過其門而不入，幸得森哥加持才鼓起勇氣一試。入邊點幾味葷菜或素菜，然後用一個巨型大碗上。我地見第一次黎，避免太過激進，每人點左個套餐，有田雞、雞翼、牛肉同素菜可揀，我地就分別叫左牛肉和雞翼。味道方面，麻辣好香，由於特別軻打左小辣關係，辣度尚可接受。而牛肉十分鮮嫩，至於切成單骨雞翼反而覺得普通，如果用雞丁似乎會更合適！配菜方面很有心思，有海帶、油蜜菜、炸黃豆、蓮藕片和薯條，唯一嫌佢碗飯太細碗。