百味川 (已結業)

難得黎到葵芳，梗係要去葵涌廣場行番轉，買個夠兼食到飽。見好久冇食川菜，於是乎去左百味川幫襯吓。我比較喜歡 '自選米線'，湯底、餸、麵底、辣度都可以自由選配/改動，更能迎合自己的口味。第一次食淮山麵，賣相似幼麵，但比較有嚼口。餸的選擇很多，紅燒肉是其一款，啖啖肉，肥廋均稱，還很入味呢！蒜泥白肉就見得多，呢個是川香白肉。似是豆板醬的東西確實有點辣，但又好惹味。蒜香皮旦是我的至愛小食之一，蒜味濃又彈牙，用黎做前菜、頭盤、小食，甚至零食也一樣會適。