一喜燒 (已結業)

夜晚約個朋友聚下，好想食串燒，朋友住附近帶我去呢一間一喜燒，除咗串燒，佢嘅辣味食品都做得出色😍-大廚秘製麻辣鳳爪，辣得來又麻又香，食到上晒癮🌶-燒多春魚，多春魚味道都唔錯，肉質嫩畫又唔會燒到太乾身，而且魚春都幾飽滿豐富🐟-手拍青瓜，青瓜爽口醬汁又好味，天氣咁悶熱，食呢個手拍青瓜自然增加胃口🥒燒翠玉瓜，都幾厚切，燒完鎖曬汁係入面，勁juicy👍🏻-生燒活鮑魚，大大隻之餘都好爽口彈牙，完全唔韌十分鮮味😋-燒雞腎串，口感好爽彈，燒得啱啱好，唔會過熟太硬🐥-招牌重慶酸辣粉，酸辣粉口感夠煙韌，而且配料十足，辣味有層次🌶❤️串燒除咗要靚嘅食材，調味都好重要，呢度嘅調味都好正，呢間一喜燒食品嘅選擇都好多，而且價錢又唔貴，真心好🤗