麻辣派對 (金百利廣場) (已結業)

又就快到中秋節，今日見有時間就去Sogo揀返啲月餅送禮先。行到差啲唔記得lunch time 時間，就近近地去對面金百利醫醫肚先。4樓有間麻辣主打嘅餐廳，我地最愛食辣野，一於就食呢間啦！餐廳裝修好特別，好有party feel , 四周圍喑暗地，好有mood !餐廳有午餐，下午茶時間，價錢比夜晚平少少，而且仲包埋野飲同甜品，又真係幾抵喎！我地叫咗2個set lunch 加一款涼菜，套餐野飲仲可以揀五指毛桃燉雞湯，唔洗加$$呢😊五指毛桃燉雞湯味道清甜，淡淡嘅椰子味，潤喉養肺。涼拌黑木耳我地揀咗BB辣都已經好辣，不過麻味好香，入口辛辣刺激，味道椒香入味。酸菜煮牛肉酸菜味道非常濃郁，入口酸咪咪好開胃，大豆芽菜爽脆，牛肉雖然有少少筋，但肉質都好軟嫩，湯底仲可以當湯汁，yummy yummy 👍🏻香辣豬手（BB辣轉黃燘煮）呢個反而無咩辣味，但豬手煮到軟淋，豬皮爽口彈牙，入口感覺到好多膠質，味道甜甜地好惹味。今日甜品竟然有喳咋，每款豆都好軟嫩又起哂沙，入口不太甜，不錯。價錢便宜又抵食，環境又不錯，下次可以再試其他餸菜。