十二味 (如心廣場二期)

营业中

休息中

最近天氣凍咗啲，我見到屋企附近開咗間新嘅四川菜，就諗住同屋企人去試吓食，唔知會唔會好辣呢。嗰度地方都幾大，而且係新裝修所以俾到人好乾淨嘅感覺，坐得都好舒服。呢度叫嘢食係scan個QR code, 跟住自己點菜嘅。我哋叫咗個水煮牛肉同埋川式口水雞。呢個就係水煮牛肉，估唔到份量都幾大，未食已經聞到一陣辣味，入面仲有好多辣椒，牛肉都有幾多，最低仲有好多木薯粉，吸收晒啲辣味，所以食完個身都熱辣辣。呢個就係口水雞，辣嘅程度比水煮牛肉少，容易接受多啲，但都係有啲辣，雞肉佢整得好軟熟，好入味。