麻辣派對 (已結業)

朋友話想食川菜，之前去過一間環境唔錯，食物又特別，所以決定帶朋友去。餐廳地點方便，由銅鑼灣地鐵站行過去都唔使五分鐘。餐廳環境唔算好大，以紫色為主，四周圍以花作點綴，而且座位寛敞。食物款式選擇相當之多。而且仲有好多款酒可供選擇。手拍蒜蓉青瓜及涼拌黑木耳，青瓜同木耳非常爽口，而且十分入味。燒椒皮蛋，皮蛋加上中間嘅辣椒同醬汁一齊食，食起嚟有麻辣嘅感覺。私房燉湯，燉足6小時，材料十足，湯嘅味道非常濃郁。松子仁五色炒飯，加入五種非常健康嘅材料，火候十足而且飯粒分明。薑茶水中花，將豆腐切成菊花狀，可見師傅刀工一流，加上熱辣辣嘅薑茶，入口好有薑味。最後仲附送紅豆沙，紅豆沙甜度適中。餐廳員工服務態度好，而且食物質素一流。