老川皇

营业中

休息中

朋友喺外國返嚟，問佢想食咩，佢話最掛住辣野，因為係外國好難搵到夠香口有嘢味嘅辣嘢食，於是乎我哋就揀咗呢一間。我哋係星期一夜晚去食，講到都要等一陣喎，睇嚟呢一間都多人食。呢度都算幾闊落，我哋兩個人可以坐到卡位。除左舉手叫姐姐寫野，原來可以按鐘仔，幾方便！睇睇餐牌發現比預期中抵食，仲有燒烤可以叫，好耐冇食香口野，但又驚熱氣，我地決定叫燒茄子小辣。茄子好香蒜味，燒到好淋，有入口即溶既感覺，茄子迷必點！另外叫咗一碟辣子雞，見到咁多辣椒有啲驚呀，因為我哋叫咗小辣咋。不過食落原來呢又唔係非常非常之辣喎，連我都接受到，不得不讚就係雞粒揸得非常之香同埋鬆脆，食落有有香食完一粒就想食另外一粒。口水雞係我嘅至愛，呢度嘅口水雞係正常水準，汁夠多，份量都算大。另外叫咗一份四川涼麵好大份先係$28 ，好抵食。係好濃嘅花生加麻醬味道，啱晒重口味人士。整體來講呢度係性價比幾高嘅四川菜，而且都近旺角同埋油麻地站，鍾意食辣嘅朋友可以一試啊。