麻辣娘子 (新都城中心) (已結業)

麻辣娘子將軍澳欣景路8號新都城中心2期2樓2035-2036號舖今日同埋同事都鍾意食川菜，貪就腳今日就試咗公司附近嘅麻辣娘子，見佢開咗一排都未試過，入到去好快就安排座位，呢度係用QR code自己落單，都幾方便，我哋好快就叫咗幾個餸同埋飲品呢度有自家台式茶店，叫做阿里山，就咁望落都幾吸引，而且望到其他人叫，都幾大杯咁，所以我哋四個都各自叫咗一杯，同事叫咗黑糖珍珠奶茶同黑糖珍珠鮮奶，聽佢哋講珍珠好煙靭，味道都幾好，我同另外一位同事就叫咗草莓水果綠茶，入邊有蘋果，橙，奇異果，亞麻籽同菠蘿，好多水果好豐富，配埋綠茶感覺好清新主菜我哋叫咗酸菜魚，因為同事唔係食得好辣，我哋就叫咗小辣，辣度啱啱好，魚片非常滑身，碗底有大量寬粉同酸菜，夠晒飽肚另外我哋叫咗一個麻辣干鍋，配料揀咗安格斯牛肉，豬肉片，炸豆皮，花椰菜，一上枱果下味道非常香濃，鑊氣十足，而家咗大量辣椒去炒，啱晒重口味人士我哋都係無肉不歡嘅人士，所以叫咗口水雞同埋菠蘿咕嚕肉，口水雞件件都係雞髀肉，而且冇乜骨，啖啖肉咁食好正，菠蘿咕嚕肉就外皮非常香脆，份量亦都好多，呢碟真係差啲食唔完小食我哋叫咗黃金皮蛋同埋蒜泥白肉，黃金皮蛋個心係溏心，好靚仔，