祥仔辣辣 (雅蘭中心) (已結業)

📍 祥仔辣辣 (旺角)話說平時都好鍾意去食酸菜魚，去左旺角試一試新開張嘅祥仔辣辣，叫咗一個辣到噴火嘅二人套餐。-主菜酸菜魚好有驚喜，平時酸菜魚都會辣味比較多重，酸菜比較酸，但呢個酸菜魚就調返轉，味道比較清淡，但多咗魚嘅甜味；而且酸菜係用葉為主所以唔太酸，適合我呢啲鍾意食酸菜魚但又唔食得辣嘅人，正😆😆-口水雞正常發揮不過不失，但對於我唔食辣嘅人來講可能有少少挑戰，但整體來講雞都算非常滑。至於甜品係南瓜露，非常滑溜，南瓜味唔會太重，淡淡地，用作食完辣嘅菜作為一個收尾係一個唔錯嘅選擇。臨走嘅時候發現原來呢間餐廳係既大廚張錦祥主理，果然有品質保證。