十二味 (銅鑼灣道) (已結業)

今日悶悶地放左工就約左閨蜜行銅鑼灣，行到累累地就搵間餐廳食下野，休息下。黎到呢間餐廳位於大抗分店，係食川菜既，就黎試下啦！店面唔算好大，但係非常之有驚喜。首先叫左個小食燒椒皮蛋，呢個係涼菜，味道好好，食完非常開胃，皮蛋經開長時間醃製，本來既皮蛋顏色已變成醬汁既顏色。入口即溶。跟住主食方面我地叫左個飄香毛血旺配粉條，呢個份量十足，三至四個人食都夠食，入面有我最鐘意既厚切午餐肉，口感一流，唔會好林，軟硬適中，重有豬紅，豬皮，豬腸等等，重有其他陪料不能一一盡錄，最重要重有粉條，非常彈牙，份量十足。跟住有蔥油拌麵，呢個菜式簡單得黎味道又好特別，一級水準，一啲都唔會輸蝕大酒樓。都係不錯既菜式。如果覺得太辣，可以叫個甜品，紅糖糍粑，食左一啖就已經可以立即止辣，而且甜度適中，適合一班女士們。最後野飲方面我地叫左百分百純椰青水，呢個好清純，都唔會太甜，止辣一流。