麻辣風雲 (已結業)

岩岩完成左個大Project, 同事們話要食辣辣慶功🍺🍺，近近地就去左旺角瓊華，知道有間麻辣風雲平靚正，一於決定係佢啦👍🏻。因為叫左好多野，甘我就寫下我最鍾意既食物啦😋😋首先出場係酸菜魚!!🐠酸菜魚嫩滑， 啖啖肉。酸菜味道入到魚身，非常開胃。😋😋值得一讚入面仲有大豆芽同少少寬粉，吸左味既大豆芽同寬粉送飯一流。🍚仲有兩款食品我都想介紹下!椒鹽魷魚鬚🦑!! 魷魚鬚肉質外香內嫩，少少辣🥵，椒鹽夠多好香口，唔油但亦味道夠濃。😋之後出場係香辣茶碟炒蝦!!!作為一個愛蝦之人，對蝦既求非常高💖! 而呢個炒蝦非常入味，質感厚實，唔係Cheap 蝦，非常推介!👍🏻👍🏻餐廳亦提供好多唔同飲品選擇，下次會再黎慢慢試，到時大家記得睇我食評呀!🤭🤭總括而言，呢間麻辣風雲會再去。期待下次完project 再同班同事一齊去!😊