富泰 (已結業)

滂沱大雨，真係邊度都唔想去，於是近近哋嚟依度買賣。雖然依間鋪外表平凡、毫不起眼，但食物嘅味道都算唔錯，而且價錢相宜。今次我叫咗個冬蔭功蝦湯麵同泰式炸豆腐。前者可以揀大中小辣，我揀咗小辣食落真係幾易入口，麵地係普通公仔麵，但個湯餚得唔錯。豆腐嘅質地幾似臭豆腐嗰種口感，點落泰式酸辣醬配合得都唔錯。上次叫過一客泰式炒飯，佢哋用嘅臘腸味道比中式嘅甜，都係一個幾得意嘅選擇。依間鋪嘅樓面好細，堂食有電視睇，但我都係傾向買返屋企慢慢嘆。