影片
更多
2009-01-06
12 浏览
6-1-2009其實我完全唔食得辣 (e.g. 譚仔的 5 小辣, 對我0黎講已經好辣: http://www.openrice.com/restaurant/commentdetail.htm?commentid=1937874), 但偏偏對呢度的蒜泥白肉好有興趣, 今日專程 late lunch 0黎試試. 一個人 2:30pm 0黎到, 一「攝」到位, 立即叫了一客蒜泥白肉 (好似 $40) 加一份「小辣」雞絲川北涼粉 ($18) 獨食, 真係唔識死. 先食蒜泥白肉... 片到好薄的白肉好靚, 肥瘦分明, 肥0既部分十分滑, 瘦肉就好鬆化, 配上紅 bok bok 但又唔算好辣, 蒜味濃烈又好有層次的醬汁, 正! 平日我一定會唔食底部的青瓜 (賣相咁「岩岩 chaam chaam」, 「拍」出來的?), 但呢度勁濃醬汁實在好0岩, 同青瓜一齊食, 係又爽又甜又香口又惹味, 好食. 好出色的一客蒜泥白肉, 值得試試.再0黎雞絲川北涼粉... 賣相好似無乜殺傷力, 涼粉半透明, 一夾即斷, 口感好似銀針粉; 頭0個幾條食落冰冰涼涼, 但食食0下就見到勁多紅油及花椒粉 (?),
其實我完全唔食得辣 (e.g. 譚仔的 5 小辣, 對我0黎講已經好辣: http://www.openrice.com/restaurant/commentdetail.htm?commentid=1937874), 但偏偏對呢度的蒜泥白肉好有興趣, 今日專程 late lunch 0黎試試. 一個人 2:30pm 0黎到, 一「攝」到位, 立即叫了一客蒜泥白肉 (好似 $40) 加一份「小辣」雞絲川北涼粉 ($18) 獨食, 真係唔識死.
先食蒜泥白肉... 片到好薄的白肉好靚, 肥瘦分明, 肥0既部分十分滑, 瘦肉就好鬆化, 配上紅 bok bok 但又唔算好辣, 蒜味濃烈又好有層次的醬汁, 正! 平日我一定會唔食底部的青瓜 (賣相咁「岩岩 chaam chaam」, 「拍」出來的?), 但呢度勁濃醬汁實在好0岩, 同青瓜一齊食, 係又爽又甜又香口又惹味, 好食. 好出色的一客蒜泥白肉, 值得試試.
再0黎雞絲川北涼粉... 賣相好似無乜殺傷力, 涼粉半透明, 一夾即斷, 口感好似銀針粉; 頭0個幾條食落冰冰涼涼, 但食食0下就見到勁多紅油及花椒粉 (?), 愈食愈麻愈食愈辣, 舌頭麻痺之餘, 亦真係辣到我頭都暈埋, 連可樂 ($5) 都救唔切火. 小辣都咁辣, 完全唔敢想像大辣會係點... :-O
0係度堂食雖然要 mou 街, 但幾涼爽, 衛生其實亦唔差; 老闆 (?) 及阿姐們幾友善, 招呼不錯.
放低 $63, 無上次食泰式鳳爪辣到噴火的感覺 (http://www.openrice.com/restaurant/commentdetail.htm?commentid=1962002), 而係神情呆滯又腳步浮浮地離開 -- 食辣到會「醉」的?
係時候搵地方救救火了. @_@
张贴
