川莊 (已搬遷) 新店位置

愛吃麻辣的朋友説朗豪坊開了一間四川菜餐廳，一於睇戲前去試一試！招牌菜是水煮系列食品，友人選了成都水煮鮮魚片，仲要揀🌶🌶🌶🌶😱😱😱😱，(最高係五隻🌶！)，連餐廳經理都提醒四隻🌶真係好辣喎！ 友人即時心心眼😍。另外，點咪孜然香酥羊腩(自己唔識整)，一口豚肉串，孜然雞皮。水煮鮮魚一上，好香吖😍，係花椒八角既香味！不過...... 🌶🌶🌶🌶😖，今次唯有捨命陪君子🤮！ 牛肚牛，豬皮，栢葉吸晒d湯汁，豬紅都好正👍🏻👍🏻👍🏻 友人讚口不絕，我就食到👅都麻！立即點返個啤酒解辣！其他三個食物都好好味，要一讚羊腩唔羶，仲好juicy 😋整體食物質素好，建議早黎不用等位，走既時候門口都有人等緊位。