大家樂 (健威坊)

营业中

休息中

咪咪係呢間大家樂點左豬軟骨地獄湯底拉麵做午餐。要等一陣先有得食，見到個湯碗個陣，咪咪心唸點解咁多湯（咁少料同拉麵）？坐低左大搜索一輪，其實又唔算好少料同拉麵，只係湯實在太多。麵餅一團的，要咪咪努力分開佢地，拉麵麵質一般，硬硬地，如果煮耐少少會好啲啦。每條麵都有湯既味道，連食得辣既咪咪都覺得辣！有好少量椰菜，因為個湯既關係又係好辣；埋位個陣見到有半隻無蛋黃既蛋白，有幾粒粟米就係個蛋黃位！！都仲唸緊不如去番廚房個度問佢整番個完整既半隻蛋比咪咪，後尾係湯入面搵番個半隻蛋黃！咪咪唔敢食喇，只有食左個半隻超勁鹵水味既蛋白，不過唔好食！！講下主角豬軟骨，原來都切左有五、六件，切成長條形，不過應該改叫「豬硬骨」，因為入面個啲白色既軟骨好硬，同翠華餐廳、味千拉麵食到既豬軟骨簡直係兩回事，咪咪大部分都食唔到，當骨咁唔食喇唯有！因為個拉麵都已經好辣，咪咪唯有放棄個湯，避免飲完聲都出唔到！呢個拉麵，只會吃一次。