風雲丸 (已結業)

今日同朋友傾開話灣仔有間沾面吾錯，就諗住收工去食，去到都十幾人等位，可想而知應該吾差喎，之後終於入去到啦，野食都係以沾面為主，當然叫啦..再加蛋同餃子黎多個飲品，價錢都合理又新鮮，怪不得咁多人排隊都黎食啦。石燒辛辣豚肉魚介沾麵 $93，去到400gsm 都免費堅抵食，最後選擇左200gsm, 食落都幾辣又有肉香，原來辛辣係因為加左辛辣爆彈。以日本面食黎講就真係堅辣，好香又夠辣，醬汁偏杰身，所以醬汁掛係麵度十分好味道，而且豚肉超大件有少少燶的香和豬肉香，食完都已經十分飽肚。加蛋$12…黎到切開原來吾係流心蛋，但食落去好重蛋香。辛口沙拉羽根餃子 $38……辣加上沙律甜好味，而且又脆口和餃子軟熟，一齊食口感十足。信州白桃蘇打 $28，飲落去好清新喎，梳打味夠，桃又吾太甜，岩晒我ed鐘意小甜的人。