綠林三記甜品 (已結業)

做完運輸, 從超級1號折返深水埗, 差不多成點鐘。辛苦完就最好搵野食來慰勞一下自己, 便從回家必經之路中找出這家糖水店。入到去, 價錢是平到笑! 6蚊碗糖水, 13蚊客榴槤pancake, 唔怪得夜孖孖仲咁多人。叫了紅綠豆沙各一碗及一客榴槤pancake。pancake 先來, 皮是軟的, 可是封口位卻頗硬, 令我吃得幾狼狽; 餡料的cream都幾滑, 而榴槤都幾好味道。紅豆沙就十分過份, 就像是攪拌機打爛d豆同陳皮來煲而不是煲爛d豆! 綠豆都係, 使唔使懶成咁呢? 素來很喜歡吃紅綠豆沙, 但係現時市面的甜品糖水店都轉型為賣切切生果的大雜燴, 個人就不懂得欣賞喇! 反而慨嘆, 一碗好吃的紅豆沙真係咁難求? 不過, 吃左3個甜品, 埋單都只不過是一碗大埔切切雜碎的價錢, 抵是抵的。榴槤分享: 香港常見的榴槤中, 比起金枕頭的爽甜, 本人更喜歡吃香濃得來有咬勁的大釘! 現狂市面所賣的榴槤中, 金枕頭就一街都係, 想搵隻好食d的大釘, 真係可遇不可求。