串Grill 自助燒烤專門店 (譽發廣場) (已結業)

琴日同朋友見到呢間自助串燒餐廳就去咗試吓，喺樓上鋪，空間都幾闊落，仲可以望到旺角嘅街景，兩小時放題，值得一讚嘅係飲品都有好多無糖選擇，有四隻味ooha ，烏龍茶同埋Zero，想健康啲都可以飲無糖食物選擇都唔少，我哋都食咗好多款！牛肉豬肉雞肉羊肉都有，其中紐西蘭牛西冷🐃都唔錯！雞軟骨雞腎都燒得好好食！仲有得嗌生菜包肉食，海鮮都有蜆肉鯖魚等等，甜品方面都幾吸引，有燒菠蘿，棉花糖，同埋雞蛋糕！雞蛋糕燒到外皮脆脆地，入面牛油味都好香，同埋燒烤又點少得棉花糖！😍