串Grill 自助燒烤專門店 (譽發廣場) (已結業)

疫情之後已經少咁好多一大班人嘅gathering ，所以有唔少啱一大班人嘅活動都好少去，BBQ 就係其中一種。今日約咗朋友出嚟食飯話好掛住港式BBQ ，但得兩個人去開爐又唔夠經濟又無癮，就諗住依家又好多自助轉轉串燒放題，搜索之下揀咗位於旺角譽發廣場嘅串grill🍢🍢任飲任食串燒放題分唔同入座時段，價錢由$198 起，就可以享用到超過40款食物款式，豬牛雞羊、連海鮮、蔬菜、丸類都有齊，QR code 落單方便又衛生，仲唔會有漏單嘅狀況👍🏻👍🏻店員會先上一盤welcome set 再簡介轉轉爐嘅用法，跟住就可以開始享用美食😌小妹私心推介M6和牛牛柳、美國牛肋條、鯖魚、甜品方面就一定要試哂菠蘿、棉花糖同原味雞蛋仔，牛柳粒燒到7成熟就可以，燒個陣仲可以按個人口味加入胡椒鹽、燒汁同辣椒粉等，肉質軟稔又juicy ，細細1口size ，食多幾支都唔會好有罪惡感，另外平時最花時間嘅燒雞翼，依家可以邊食邊等佢自動燒熟😗😗燒菠蘿超甜超juicy ，作為飯後甜品就💯又可以解肥膩感飲品方面有超過10數款，人氣偶像代言嘅0糖飲品🤩、涼茶同有機豆漿等都有齊，重點好夠凍啱哂BBQ 熱辣辣解渴