Pho 778 (已結業)

長長的灣仔道，平日的午餐時間人頭湧湧。今日的假期，形成了一個好大的對比。在轉角發現了一家小店，賣越式食物。據說每間越南粉店對食法都有一份執著。Pho778也不例外。我最鍾意的食法是加入所有香葉，而牛肉點上是拉差辣醬和海鮮醬，唔京唔使怕唔夠味！一間越南餐廳的實力，必要試下牛肉湯粉。因為愈容易的食物，愈難煮得好食。小至香葉的新鮮度，湯底，河粉，至最後的牛肉，都要一絲不苟。港式的越南粉，湯底好多時都過甜，牛肉過熟無驚喜，認真失望。然而PHO778的湯粉，主打的安格斯牛肉湯河牛味十足，入口好滑。入口煙un 香濃，肉質不鞋身，是嚴選的靚肉！平時以為要打邊爐先食到靚的牛肉添！湯底都清甜，較濃味。略嫌香葉不夠多，而且河粉痴住，但不影響味道！牛肉上碟時仍是粉紅色，不會過熟。影完相啱啱好夠熟。而男朋友的香茅雞翼飯都好香，香茅雞翼香口又惹味。加上越南的酸蘿蔔絲，見男朋友三兩下手勢已經食完。加多杯凍檸蜜，好潤喉！見到餐牌上仲有越式法飽，不過因為食完都飽肚所以無叫到。見旁邊的客人食，材料都好豐富，如果大熱天時無乜胃口可以一試！