SlôTH Café (已結業)

經過炮台山想搵間坐得舒服嘅餐廳，喺京華道見到街邊擺放嘅午餐餐牌，就即刻轉入小巷尋找呢間隱世日式Cafe，原來仲係Pet-friendly，而且價錢非常親民，當然要大力推介！是日主食定食 / 日式吉列豬扒定食餐單包括咗兩款前菜、主食、飯糰同蕎麥麵，吉列豬扒香脆肉厚，蕎麥麵配上抹茶湯底味道甘香，加埋開胃前菜，份量充足又抵食！午餐定食 / 唐揚炸雞炸雞大件幼嫩，咬落去即刻有雞汁流出，配埋酸酸甜甜嘅蛋黃醬非常夾，飯糰口感豐富飽肚，不過頗為乾身。