Pho Bar (已結業)

中環其實好多好嘢食，不過要捐窿捐罅搵一搵今日放工去咗中環搵銀行界嘅朋友仔食晚餐，中環人果然識得捐窿捐罅搵好嘢食小店唔係好多位，除咗兩張四人枱之外，其他都係吧枱位，不過都坐得幾舒服<至尊$98>朋友叫咗個至尊河粉，材料好豐富，有齊牛坑腩、生牛肉、牛丸、扎肉、牛柏葉朋友話牛坑腩超級好食，脂肪同埋牛肉比例好均勻，咬落去軟林林，牛味極重湯底係牛骨湯底，有少少藥材味<豬頸肉越南河$88>豬頸肉係厚身嘅，爽口彈牙，河粉份量超級多<秘製雞翼$42>單骨雞翼，有少少似金沙骨，炸完幾香口<紫菜配日本鹽味薯條$38>薯條配左三隻醬，分別係茄汁、明太子醬同埋芥末醬，最鍾意明太子醬，好似食緊明太子意粉咁