平成 (已結業)

尖沙咀係特色小店林立嘅地方，行過見倒一間個外表好似日本街邊獨立一間屋嘅居酒屋。一拉開度趟門，就係一個好溫馨嘅居酒屋setting。鋪頭唔會太大，店主就可以同客人有多啲嘅互動同埋溝通，更加warm手寫menu, 好有親切感 睇得出係有心做好裝飾，每一個小小嘅角落都有一種去左日本嘅感覺賣嘅食物看似係好多食店都有嘅野食，但好嘅居酒屋就係會做得最精緻、注重每個細節，令看似平凡嘅菜式都有出奇不意嘅味道。簡潔嘅menu 好日本黎得居酒屋又點可以唔飲酒，店主推介咗佢地嘅house sake, 好細心咁叫我地坐凍左先好飲。好香嘅米味，而且好易入口，唔覺唔覺就飲晒成支了呢個切得四四方嘅係燒牛舌芯，一啲都唔韌，味道唔會太濃，品嚐倒食材本身嘅味道，簡單就是美我最愛嘅燒雞皮，呢個相反係非常之香口惹味！呢鍋壽喜燒係滿滿一大鍋！入面有好多菜、南瓜、紅蘿蔔同埋豆腐，仲有好軟熟嘅牛肉。個湯好香好甜最後係燒帆立貝三重芝士蛋飯。個名非常之有霸氣，一嗶起就發現邪惡拉絲！好彩芝士味夠balance，飯汁又唔會太濃，食完一啲都唔會滯～最後埋單係$700幾蚊，除番開兩個人都係每人三百幾，居酒屋黎講都算係咁！