老媽拌麵 (THE FOREST) (已結業)

平時係屋企既糧倉最多儲備既食物就係台灣既老媽拌麵！係屋企食得多都會想試下佢地既實體店！川味紅燒牛肉麵濃厚呈深啡色既牛肉湯相當吸引,湯面上唔會好油膩.入口帶住陣陣牛肉濃香亦帶有一陣香甜感,再配上嫩香紅燒牛肉令牛味更濃.幼麵香滑煙韌而且掛湯.老成都擔擔麵除左湯麵外！食老媽拌麵一定唔少得佢地既拌麵.咁多款麵種中,我最鍾意一定係刀削麵,刀削麵帶住厚薄不一既獨特煙韌口感,同時亦寬闊既麵條充分地掛上拌麵醬,拌麵醬帶點辛香令味道更惹味.韭菜豬肉水餃綠色既水餃皮好靚！餃子皮雖然稱唔上好薄但餃皮唔會過腍而且帶點煙韌感.咬開餃子後內裏充滿湯汁,湯汁充滿肉香,餃子餡菜同肉比例平均.百頁豆腐 將百頁豆腐加上滷汁滷香,滷汁鹹香濃郁,味道唔會過重過鹹.百頁豆腐彈牙又軟綿香嫩既口感令人抗拒唔到！老媽黑糖珍珠巧克力朱古力味好濃！再配埋煙韌綿糯既黑糖珍珠味道更濃厚.仙草奶茶仙草香滑,嫩滑帶住甘甜香味.再加配奶茶後更香滑.