醋娘子 (已結業)

今天晚上本來同兩位好朋友去食放題😋，但無位於是我哋三個人轉戰川菜小廚。靜中帶旺嘅上環就有間特別川滬菜餐廳🥘餐廳有著足滿川菜品味，呢間餐廳位置方便，係MTR出黎唔難搵。門口玻璃窗都貼滿撚手小菜、非常吸引！我哋急不及待一坐低就決定點馳名籠仔蒜蓉蒸🦐飯、清炒蝦仁、以及材料豐富嘅麻辣雞絲冷麵。首先嚟個清炒蝦仁，🦐唔老爽口彈牙，蛋亦香滑，送飯👍🏻無得彈👍🏻。隨後麻辣雞絲冷麵，麻醬味濃厚，有著芝麻混合，兩者好夾，精粹在於冷麵溫度恰當混在其中，宜家呢d天氣食最岩。大家最期待嘅籠仔蒜蓉蒸蝦飯到了，熱辣辣大大籠，我哋急不及待各人要左一碗，蒜蓉好野味，荷葉香摻到飯裡，香氣撲鼻，又同蒜蓉好夾，實在係驚喜之作。呢度食物價錢合理，職員有禮態度親切，又會推介招牌菜，環境舒服，檯與檯之間唔會太逼。上環有呢d性比價咁高既小店，有驚喜👍🏻👍🏻👍🏻。