自家燒吧 (已結業)

我都幾鍾意bbq覺得好過癮，但係就唔鍾意夏天熱辣辣喺陽光底下暴曬住BBQ。估唔到而家多咗懶人燒烤法，就係只需要將一串串嘅食物放喺轉轉燒烤機上面，佢就會自己轉然後將食物自動燒熟，真係超級方便。餐廳雖然位於觀塘工業大廈裏面，但係都容易搵。除咗自助區可以自己去拎串燒外，仲有點菜紙可以直接點熟食/飯麵之類。亦都有自助熱盤熟食同冷盤選擇，選擇都幾多元化，咁睇來講CP值好高。串燒最好食係肉類，本身已經研製得幾入味但係又唔會過份重口味。而且普遍肉質都幾嫩滑，食得出品質唔錯。如果餐廳抽風可以更加強的話就更好，因為食完出黎件衫都幾大陣味😂