影片
更多
2017-04-28
968 浏览
美女輸瘋突然即興召喚晚飯聚舊，最初打算 Isquare 日本料料，但發現係新派 fusion 菜，感覺麻麻地，轉第二間。走去調查一下韓燒，點知位韓藉少女示意唔做 walk-in，一定要訂枱，唯有再轉啦。朋友仔表示想食辣蟹，但搵勻最近只有蟹將軍，雖未幫襯過，但試下無妨。門外貼滿大量食物介紹，仲有個大魚缸養住大大隻瀨尿蝦皇添﹗食慾大增，好想食呢﹗幸運地無需等位，剛有食客埋單，好快就可以入座。眼見食客大多都係來自強國，瀰漫著濃濃大陸氣息。酸蘿蔔，先來幾口開胃前菜。甜得來夠酸又卜卜脆，無問題啦。一齊慢慢研究食咩好，隨便叫到夠，不用客氣，最緊要唔好食唔晒喎，其實我都有好多野想試呀﹗火焰狗肚魚？好得意喎，但今晚無得供應囉，無緣。另外仲有好多特別菜式，十分期待。杞子高湯浸娃娃菜，無味既？淡荗荗、水汪汪、湯極淡、菜唔甜、質感粗糙，突想起香甜滑溜軟腍的奶油津白呀﹗蒜蓉粉絲蒸蟶子皇，實在太過份！蒸得剛剛好，大大條嫩滑無比，甜味非凡！沾上蔥花蒜蓉豉油更是如虎添翼，味道盡是清新脫俗啊。炸脆鱔，腍劈劈的質地，何解一點也不脆既？醬汁非常濃稠地包住鱔片，味道及肉質極似食緊糖醋豬扒。朋友仔覺得非常難食，忍唔住要退貨，
門外貼滿大量食物介紹，仲有個大魚缸養住大大隻瀨尿蝦皇添﹗食慾大增，好想食呢﹗幸運地無需等位，剛有食客埋單，好快就可以入座。眼見食客大多都係來自強國，瀰漫著濃濃大陸氣息。
酸蘿蔔，先來幾口開胃前菜。甜得來夠酸又卜卜脆，無問題啦。一齊慢慢研究食咩好，隨便叫到夠，不用客氣，最緊要唔好食唔晒喎，其實我都有好多野想試呀﹗火焰狗肚魚？好得意喎，但今晚無得供應囉，無緣。另外仲有好多特別菜式，十分期待。
杞子高湯浸娃娃菜，無味既？淡荗荗、水汪汪、湯極淡、菜唔甜、質感粗糙，突想起香甜滑溜軟腍的奶油津白呀﹗
蒜蓉粉絲蒸蟶子皇，實在太過份！蒸得剛剛好，大大條嫩滑無比，甜味非凡！沾上蔥花蒜蓉豉油更是如虎添翼，味道盡是清新脫俗啊。
炸脆鱔，腍劈劈的質地，何解一點也不脆既？醬汁非常濃稠地包住鱔片，味道及肉質極似食緊糖醋豬扒。朋友仔覺得非常難食，忍唔住要退貨，向經理要求取消。幸好經理都很大方及有禮貌地收回廚房，回應唔啱口味無緊要啦。服務態度不錯，讚！
豉汁炒蜆，依個好得喎，推介﹗生炒舍不同，一食便知龍定蟲，不是一早烚熟等 order 那類快餐，兜個汁出貨極厭惡！蜆肉肥美新鮮彈牙，香甜多汁又無沙，即炒熱騰騰噴煙出場。肉汁豐富濕潤，不會乾、不會硬、不會像香口膠，滿足好味道呀﹗雖然食到幾隻死蜆有異味，不過都好滿意喇﹗
避風塘瀨尿蝦皇，一分錢 一分貨，生猛巨形﹗肉蝦不是水蝦，蝦肉塞得滿滿。先將所有殼退掉，再整條品嚐。結實啖啖肉，肉質滑中帶彈，蝦汁濃郁鮮甜味道出眾，太好食喇﹗可以配埋炸蒜同吃，特別惹味，另一個風格。海鮮最緊要新鮮，如何烹調都可口好食。
避風塘炒辣蟹中辣，主角終於出場喇，全因爲您！order 時侍應會先攞隻生猛肉蟹比您過目，再報價，無問題的話就會攞入廚房送佢一程﹗嘩，紮蟹條繩粗到紮人都得，必定走唔甩，不需要那麼誇張吧？條水草我有比錢架喎，可否做兩食呢？上湯浸水草？馬拉盞水草？冰糖燉水草呢？
為了招牌菜而來。辣蟹免費送小菜一碟，聽落好抵食喎。巨蟹必定新鮮活劏，殼跟肉黏到實一實，係新鮮的驗證。蟹肉結實爽彈，味道非常香濃，蟹味霸道，天然蟹肉鮮甜味，無得頂呀﹗辣就不太辣，不過香蒜濃郁而惹味，其實食完隻蟹剩返有成碟炒飯咁多既炸蒜都唔知點好。如果有碗湯河或湯伊撈黎食就好喇，不過我已經飽到食不下了。
蟶子皇、炒蜆、瀨尿蝦皇及肉蟹最好味，無可挑剔。不幸地娃娃菜及脆鱔就令我有點失望，強差人意。開心的一餐晚聚，今晚我請客，補生日飯同升職飯啦 ﹗
避風塘炒辣蟹中辣
12 浏览
0 赞好
0 留言
避風塘炒辣蟹中辣
17 浏览
0 赞好
0 留言
避風塘瀨尿蝦皇
8 浏览
0 赞好
0 留言
豉汁炒蜆
11 浏览
0 赞好
0 留言
炸脆鱔
15 浏览
0 赞好
0 留言
蒜蓉粉絲蒸蟶子皇
14 浏览
0 赞好
0 留言
杞子高湯浸娃娃菜
21 浏览
0 赞好
0 留言
酸蘿蔔
34 浏览
0 赞好
0 留言
张贴
