Between (大館) (已結業)

睇完「潛入你眼簾——皮皮樂迪．里思特」展覽，唸住離開，點知落雨重要係大雨。無帶遮嘅情況下，最好的選擇當然係去Cafe食吓嘢坐吓，等雨停。杯芝麻椰子奶黎到，試吓杯奶先，有一浸淡淡嘅椰子味，芝麻好濃郁，就好似超濃嘅芝麻糊咁。之後就將佢攪勻飲，味道剛剛好，好似食緊有椰汁味嘅芝麻糊糖水。蛋三文治，冇特別，唔難食亦唔會話特別好食，比較適合打卡。哈密瓜雪糕，份量多，個造型亦都好靚，有6粉哈密瓜波波，全部都好甜。同朋友分享最開心。餐廳環境舒服，枱與枱之間有些少距離，有室內及露台位置。餐廳設有每人最低消費，一杯飲品+一個食物。