呢度裝修好靚，有去歐洲食飯嘅feel。有太陽傘，又有藤椅，加上假花襯托，大有歐陸輕鬆同浪漫嘅感覺。
生蠔 (西班牙 $48, 法國 $58)
生蠔伴有醋同埋Cocktail Source仲有檸檬，但係我個人喜歡就咁食。
西班牙生蠔，唔算好大隻，切開瑤柱位，見到生蠔浮游喺海水嘅上邊，食落好爽脆，夠冰凍，好鮮甜，有鐵匙羹味，我最鍾意。
法國嘅生蠔，比西班牙嘅大隻一啲，同樣夠凍，同樣充滿着太平洋的海水，同樣爽脆，比西班牙嘅更鮮甜。
Grilled Angus Flat iron 8oz $328
我係叫medium Rare，火候控制剛剛好，伴碟賣相也不錯。Flat iron係牛嘅膊頭，整體牛味夠濃，𣺉。食食吓先發覺，原來牛扒嘅背面，個格仔紋都煮得好靚。
伴隨有風琴式焗薯，上面配有好香味嘅cream同埋好大塊嘅煙肉乾，加上幼蔥，絕頂好味。
不得不提嘅係烤番茄仔，一定要講，因為好甜，蕃茄味好濃郁，整體配合得非常好。
Melon kakigori $108
刨冰上面滿佈蜜瓜同哈密瓜，上面仲有cream加食用花朵，賣相10分標緻。呢度嘅刨冰好特別，係白色嘅，本身有啲甜味，同埋唔會溶，入口先會溶。
