輕鬆一下 (已結業)

葵涌廣場出名多野食，於是跳完舞見仲係十點幾就去食個宵夜啦。今次搵到廣場地下一間大舖位既面店食野。menu有好多唔同配搭，但最後梗係要嗌個普通d先可以試到佢既廚藝啦！所以嗌左個水餃擔擔上海面同埋雲吞上海面。眼見水餃同雲吞個樣差唔多，於是就試晒兩款，餡料一樣，雲吞皮都唔會話特別薄，所以對水餃同雲吞有點失望，竟然係一樣既。個人唔中意擔擔面既麻醬，但朋友話佢個麻醬比其他好食，唔會太傑，味道唔太重岩岩好。面質都一般般，唔算彈牙，但都入得口既。環境方面佢都好闊落，舖位係開放式既，可能加上宵夜時段少人，就顯得更加舒服。