極尚大瀛喜日本料理

营业中

休息中

耐唔耐刺身瘾又起，会好想疯狂任食一番，人气日式放题「极尚大瀛喜」放题限时两个钟，旺角同元朗分店都帮衬过，今次第一次嚟观塘店，餐厅环境好大楼底高，独立卡座寛敞坐得舒服，私隐度高，同朋友尽情食嘢倾偈都好放松。我哋用QR code落单，餐厅另设有熟食、冷盘、饮品、甜品自助区，任饮任食。⊙刺身安排入座后即刻点一round刺身先，刺身款式都好多，松叶蟹脚、矶煮冻鲍鱼呢类型放题比较少有，三文鱼、油金鱼、吞拿鱼、北寄贝、带子、酒煮荣螺、八爪鱼，赤贝、赤虾、甜虾，点完一阵就好快送到上枱，摆盘好靓，𠮶种铺满刺身澎湃感一定要打卡先。个人最钟意赤贝肉厚爽脆，油金鱼厚切肥美，带子、甜虾全部鲜甜，以二百几蚊一位嚟讲，净系呢盘刺身绝对已经超值，我仲点咗几转。⊙创意刺身有四款选择全部都好味，放题嚟讲提供嘅食材都几矜贵。⦿松露柚子醋池鱼王一入口散发松露香气，池鱼王劲鲜味，配柚子醋酸酸的更清新开胃。⦿鱼籽柚子醋鲹鱼刺身三文鱼籽咸鲜，鲹鱼口感滑溜带少许爽脆，配柚子醋更突出鲜甜风味。⊙寿司寿司款式都唔少，仲有空运鲜鱼寿司、火焰寿司同迷你手卷，试唔晒全部。⦿蓝鳍拖罗寿司厚切大片超肥美，入口即溶，饭又细嚿，呢个价钱食到蓝鳍拖罗