影片
更多
2021-08-24
2650 浏览
繼續趁暑假同阿女孖住周圍食，冇諗過以前搞到我周圍都去唔到嘅BB, 依家就成為左阿媽最佳飯腳😎 今次我地去銅鑼灣「燒鬼」食日式烤肉午餐。平日午市後到達，餐廳唔算多人，我地被安排坐包箱卡位，非常私密寬敞。我地點左「鹿兒島和牛午餐盛宴」一盤有9道菜，加起來份量都唔少。先來黑松露鹿兒島和牛溫泉玉子野菜沙律 和 味噌湯做頭盤。炙燒鹿兒島和牛生牛肉薄片一客4片，鋪上蟹籽蔥蓉，放爐上稍稍炙燒，肉味更香濃而且甚有爵勁，配上燒肉醬十分惹味。鹿兒島和牛壽司兩貫可以生吃，和牛油脂比平均，如嫌生還是可燒熟先食，入口即溶，口感順滑。鹿兒島和牛煮大根有點中式清湯腩既味道，和牛固然鮮甜，大根更有驚喜。香甜無渣，吸收了和牛精華，更是美味清新。魔鬼牛丸即炸手打牛丸，雖然叫魔鬼但唔辣的，牛肉明顯沒有加粉，啖啖肉，但卻絕不鬆散，牛肉味好香濃，小朋友好鐘意。鹿兒島和牛小排牛小排的紋理好細緻，燒完油香四溢，好有口感，肉味甘香，餘香縈繞甚久。鹿兒島和牛三角油脂相當豐富，一路燒都很搶火呢！牛三角尤如拖羅般入口即化，頂級和牛真係一試難忘。鹿兒島和牛溫泉玉子丼如果齋燒肉感覺欠缺什麼似的，食埋這個和牛丼絕對能讓人滿足。珍珠米加温泉蛋已經
平日午市後到達，餐廳唔算多人，我地被安排坐包箱卡位，非常私密寬敞。
我地點左「鹿兒島和牛午餐盛宴」一盤有9道菜，加起來份量都唔少。
先來黑松露鹿兒島和牛溫泉玉子野菜沙律 和 味噌湯做頭盤。
炙燒鹿兒島和牛生牛肉薄片
一客4片，鋪上蟹籽蔥蓉，放爐上稍稍炙燒，肉味更香濃而且甚有爵勁，配上燒肉醬十分惹味。
鹿兒島和牛壽司兩貫
可以生吃，和牛油脂比平均，如嫌生還是可燒熟先食，入口即溶，口感順滑。
鹿兒島和牛煮大根
有點中式清湯腩既味道，和牛固然鮮甜，大根更有驚喜。香甜無渣，吸收了和牛精華，更是美味清新。
魔鬼牛丸
即炸手打牛丸，雖然叫魔鬼但唔辣的，牛肉明顯沒有加粉，啖啖肉，但卻絕不鬆散，牛肉味好香濃，小朋友好鐘意。
鹿兒島和牛小排
牛小排的紋理好細緻，燒完油香四溢，好有口感，肉味甘香，餘香縈繞甚久。
鹿兒島和牛三角
油脂相當豐富，一路燒都很搶火呢！牛三角尤如拖羅般入口即化，頂級和牛真係一試難忘。
鹿兒島和牛溫泉玉子丼
如果齋燒肉感覺欠缺什麼似的，食埋這個和牛丼絕對能讓人滿足。珍珠米加温泉蛋已經好香好滑，仲有牛肉片，紫菜絲，配搭簡單到位；配埋其他燒肉一齊食更美味。
飲埋白桃梳打和巨峰提子梳打，夢幻色彩相當吸晴，味道清新解膩，冰涼透心。
午市食燒肉真的很relax, 員工也十分友善和有禮貌，這一餐我同囡囡都好滿意。
张贴
