影片
更多
2010-04-17
43 浏览
假期尾聲, 一覺訓到12點, 前一晚決定去返我最愛既利苑飲茶, 但臨時男朋友既媽媽提議我地去試同樣係APM 5/F 既潮館, 原因係既免茶錢又好味! 潮館位於APM 5/F既一角, 2點鬆少少去到, 已見長龍, 本來唔搭枱可以即時入座, 但係難得放假我地唔趕時間, 所以都係決定等位啦… 等位既時候, 我留意潮館既裝潢: 此處裝修雅致新穎, 門口有卡位, 感覺幾舒服! 15分鐘左右, 知客嬸嬸帶左我地去中間既枱, 尚算寬闊既! 等位期間我同男朋友已經揀好左食乜, 見到有好多客, 所以都係快快手劃完交俾侍應先慢慢洗杯! 首先要一讚呢度係水滾茶靚 (相對地)! 鐵觀音唔碎唔澀唔苦唔臭, 水夠熱沖既茶都好! 但另一邊廂可能客太多做唔切, 等左成20分鐘先有野食! 粗略講下我地今餐既食物: XO醬炒蘿蔔糕: 男朋友媽咪推介! 蘿蔔糕切成一口大小, 炒完都冇散哂依然好完整靚仔, 但食落又唔會太實! 但略嫌唔夠XO醬唔夠辣, 問侍應拎辣椒醬佢又俾左辣椒油我地… 醬汁蒸鳳爪: 呢個真係唔掂! 雖然醬汁面濃, 但依家難掩鳳瓜既雪味! 雪味真係惡頂! 不過墊底既芋頭相反吸哂D味同埋夠稔! 炸兩腸粉: 好耐
潮館位於APM 5/F既一角, 2點鬆少少去到, 已見長龍, 本來唔搭枱可以即時入座, 但係難得放假我地唔趕時間, 所以都係決定等位啦… 等位既時候, 我留意潮館既裝潢: 此處裝修雅致新穎, 門口有卡位, 感覺幾舒服!
15分鐘左右, 知客嬸嬸帶左我地去中間既枱, 尚算寬闊既! 等位期間我同男朋友已經揀好左食乜, 見到有好多客, 所以都係快快手劃完交俾侍應先慢慢洗杯!
首先要一讚呢度係水滾茶靚 (相對地)! 鐵觀音唔碎唔澀唔苦唔臭, 水夠熱沖既茶都好! 但另一邊廂可能客太多做唔切, 等左成20分鐘先有野食! 粗略講下我地今餐既食物:
XO醬炒蘿蔔糕: 男朋友媽咪推介! 蘿蔔糕切成一口大小, 炒完都冇散哂依然好完整靚仔, 但食落又唔會太實! 但略嫌唔夠XO醬唔夠辣, 問侍應拎辣椒醬佢又俾左辣椒油我地…
醬汁蒸鳳爪: 呢個真係唔掂! 雖然醬汁面濃, 但依家難掩鳳瓜既雪味! 雪味真係惡頂! 不過墊底既芋頭相反吸哂D味同埋夠稔!
炸兩腸粉: 好耐冇食過炸兩腸! 難得見到諗到都諗就即點! 可恨油炸鬼明顯擺左好耐已經唔脆, 而且粉開得唔夠好, 唔夠鬆軟!
菠蘿叉燒包: 造型的骰可愛! 菠蘿包夠脆, 唔會太甜蓋過哂叉燒既香味! 不過唔知係因為我擺耐左先開始食定一開始已經唔夠暖, 如果可以熱騰騰咁食, 相信更好!
排骨陳村粉: 今次排骨唔似得鳳爪咁充斥全雪味, 不過廚房偷懶冇將陳村粉一絲絲咁撕返開, 有部分一舊舊咁疊住, 哂左!
雪蓮紅棗糕: 紅棗糕幾時都係我最愛! 無論去到邊間酒樓, 只要見到有紅棗糕我都一定會點黎試下! 呢度既紅棗糕紅棗味OK, 唔似得利苑咁有椰汁, 但食落質感相對較為軟身, 不錯之選, 難怪我聽到格隔枱既兩公婆都爭住點!
山竹牛肉: 點山竹牛肉純粹因為男朋友話好耐好食! 牛肉望落大粒, 入面有粒粒既馬蹄, 而且夠哂傳統有塊腐竹墊底!
最驚喜既莫過於埋單! 兩個人七籠點心, 心諗點都過$100啦, 其實只係$93, 心裡面竊竊偷笑真係好抵, 如果去利苑一定唔係呢個數! 潮館確係好抵而且多選擇, 但質素當然不如利苑, 但都去得過既!
张贴
