中環茶記 (已結業)

喺好耐好耐之前，我哋成班男仔放工會落蘭桂芳Happy Hour，飲吓酒，傾吓計。到依家，我哋拍拖嘅拍拖，成家立室嘅成家立室，做爸爸嘅做爸爸，所以依家嚟蘭桂芳係去中環茶記Happy Hour，飲吓檸茶咖啡，再邊食港式炒粉麵飯，再詳談近況，開心其實可以好簡單。香煎美國西冷牛扒牛扒叫咗三成熟，靠熱辣辣嘅鐵板燒到五成熟，牛肉厚切抵食，鮮嫩多汁。配菜有薯條及蔬菜，好豐富。咖喱雞球配葱油餅咖喱嘅椰香味濃，好香滑又唔會太辣；而雞肉份量多，夠嫩滑，仲有索晒味嘅薯仔，好腍好入味。而蔥油餅就同咖哩係最夾。芥蘭炒肉片飯中式選擇都唔少，我哋就叫咗芥蘭炒肉片飯。估唔到芥蘭份量好多，而即即叫即炒，夠晒鑊氣。鹹魚雞粒炒飯咸魚咸香味夠晒惹味，鹹香味道啱啱好，飯底乾爽夠鑊氣。懷舊雪兔大家都由大男孩變成大男人，當一人一杯咖啡奶茶嘅時候，最童真嘅我就飲雪兔，雪兔其實即係雜果賓治，夠解喝。