影片
更多
2020-07-03
23 浏览
黎開旺角想搵個落腳位，就入左呢間茶茶飲下台式飲品，仲同朋友每人叫左個一人鍋食添，份量上唔會浪費，食到飽又吾會食剩野。個環境都幾舒服，會keep住播放流行音樂。🔷青椒皮蛋 💰42 💙70/100皮蛋份量係算多，面頭報怖左好多蒜茸粒，認真唔洗比面咁食蒜，好正。另外個汁會以醋為主，酸酸地仲有莞茜，岩哂「多青」人士。🔷麻辣肥腸 💰34 💙70/100呢個肥腸個表皮炸到好脆好香口，但油份又食唔出好多，配埋個甜酸醬沾黎食，但麻辣味又真係不太明顯，怕辣嘅都會岩食。🔷藥膳雞鍋 💰108 💙70/100湯底為藥膳味，見到都有杞子、蟲草花、木耳等，另外雞件有好多，同想像中嘅份量多左，而且夠滑。其他用料嘅仲有炸魚皮、娃娃菜、鵪鶉蛋等，一人份量絕對夠飽，唔夠嘅可以再加飯或麵。🔷沙茶牛肉鍋 💰108 💙70/100另外一款為沙茶湯底，同平時打邊爐點嘅沙茶醬味一樣，好香，隻味會似沙嗲醬。呢款湯底配牛肉好搭，呢款鍋除左牛肉，仲有牛丸同貢丸添。🔷奶蓋茶茶八號 💰34 💙70/100面頭嘅奶蓋既香濃又夠棉，飲飲下會慢慢滲落去底下嘅茶底到，慢慢變左奶茶。🔷百香果綠妍 💰27 💙70/100呢杯以百香果為主，味道好清新開胃
黎開旺角想搵個落腳位，就入左呢間茶茶飲下台式飲品，仲同朋友每人叫左個一人鍋食添，份量上唔會浪費，食到飽又吾會食剩野。個環境都幾舒服，會keep住播放流行音樂。
🔷青椒皮蛋 💰42 💙70/100
皮蛋份量係算多，面頭報怖左好多蒜茸粒，認真唔洗比面咁食蒜，好正。另外個汁會以醋為主，酸酸地仲有莞茜，岩哂「多青」人士。
🔷麻辣肥腸 💰34 💙70/100
呢個肥腸個表皮炸到好脆好香口，但油份又食唔出好多，配埋個甜酸醬沾黎食，但麻辣味又真係不太明顯，怕辣嘅都會岩食。
🔷藥膳雞鍋 💰108 💙70/100
湯底為藥膳味，見到都有杞子、蟲草花、木耳等，另外雞件有好多，同想像中嘅份量多左，而且夠滑。其他用料嘅仲有炸魚皮、娃娃菜、鵪鶉蛋等，一人份量絕對夠飽，唔夠嘅可以再加飯或麵。
🔷沙茶牛肉鍋 💰108 💙70/100
另外一款為沙茶湯底，同平時打邊爐點嘅沙茶醬味一樣，好香，隻味會似沙嗲醬。呢款湯底配牛肉好搭，呢款鍋除左牛肉，仲有牛丸同貢丸添。
🔷奶蓋茶茶八號 💰34 💙70/100
面頭嘅奶蓋既香濃又夠棉，飲飲下會慢慢滲落去底下嘅茶底到，慢慢變左奶茶。
🔷百香果綠妍 💰27 💙70/100
呢杯以百香果為主，味道好清新開胃，百香果嘅酸性配搭茶底。
张贴
