酒肉·朋友 (已結業)

芬尼街呢一間嘅酒肉朋友，主要好似居酒屋咁， 提供日式小食，烤物串燒等等，不過午餐除咗呢啲，都有幾多選擇。就例如有吉列豬扒定食，生薑豚肉燒等等。豬扒都幾大塊， 不過炸得唔錯，唔會好厚粉，但係我就比較鍾意食佢個沙律，因為好多菜好健康，加埋我最愛嘅芝麻醬，非常好味。而生薑豚肉燒就幾好餸飯，因為都幾多汁。 但就有少少鹹，如果唔係咁濃味就好啲。而且定食亦都會配上野飲， 同埋湯，仲有前菜， 70蚊到九十蚊不等，ok啦。