影片
更多
2022-09-14
106 浏览
位於灣仔軒尼詩道嘅「吔嘢事無所」，係上個月全新開張，店內面積唔大，只有少量堂食座位，牆身選用橙、藍及白色為主調，貼滿趣緻標語，非常搶眼！食物方面，除左供應三文治、牛角包窩夫同便當之外，仲有全日早餐，包括炒蛋、雞扒、薯餅等8款配菜，非常超值！三文治選擇多達12款，每款各有特色，我地就叫左兩款三文治，一份小食同埋一杯飲品Share 食。蜜蜜杏加ling 煎雞（自製哈密瓜果醬煎雞治）呢份三文治個名聽落好似好特別，所以叫左黎試。雞扒煎過後非常香，配埋自家製哈密瓜果醬，味道非常夾，夾埋沙律菜一齊食，相當清新，可以消除油膩感，無配滑蛋嘅三文治亦相對輕盈，適合唔大食嘅女仕們。值得一讚嘅係麵包烘過後外脆內軟，夾左咁多餡料後食落都唔會太濕。唔正宗三杯雞（台式三杯雞滑蛋三文治）雞扒大塊得黎仲厚身，煎得非常香，雞皮仲好脆身，肉質嫩滑，用三杯醬油醃過後味道非常香濃，入味得黎亦唔會太鹹，配埋勁厚身嘅炒蛋同埋沙律菜一齊食，份量十足！炸燒賣：加咗椒鹽後炸過嘅燒賣，入口唔會太鹹，食落唔算太油膩。Menu 上飲品section 標明係 #ig-able 飲品，既然係咁，我又點可以唔試下呢？叫左一杯「蝶豆花百香果梳打」，
三文治選擇多達12款，每款各有特色，我地就叫左兩款三文治，一份小食同埋一杯飲品Share 食。
蜜蜜杏加ling 煎雞（自製哈密瓜果醬煎雞治）
呢份三文治個名聽落好似好特別，所以叫左黎試。雞扒煎過後非常香，配埋自家製哈密瓜果醬，味道非常夾，夾埋沙律菜一齊食，相當清新，可以消除油膩感，無配滑蛋嘅三文治亦相對輕盈，適合唔大食嘅女仕們。
值得一讚嘅係麵包烘過後外脆內軟，夾左咁多餡料後食落都唔會太濕。
唔正宗三杯雞（台式三杯雞滑蛋三文治）
雞扒大塊得黎仲厚身，煎得非常香，雞皮仲好脆身，肉質嫩滑，用三杯醬油醃過後味道非常香濃，入味得黎亦唔會太鹹，配埋勁厚身嘅炒蛋同埋沙律菜一齊食，份量十足！
炸燒賣：
加咗椒鹽後炸過嘅燒賣，入口唔會太鹹，食落唔算太油膩。
Menu 上飲品section 標明係 #ig-able 飲品，既然係咁，我又點可以唔試下呢？
叫左一杯「蝶豆花百香果梳打」，賣相好靚，有漸變色，上層紫色，下層橙色，非常夢幻，打卡一流。
味道方面，甜酸度適中，飲落好夠氣，夏日炎炎飲就最適合不過了。
张贴
