影片
更多
2021-04-01
1627 浏览
今日老公生日，咁啱朋友推介話呢度有間新開嘅串燒專門店，所以就同佢黎左呢度。一出電梯就見到個招牌，入到去就覺得四圍都好乾淨，光線充足， 牆上仲有幅好靚好得意嘅掛畫，佢哋都響度食串燒，感覺好好。呢度係用qr code點餐，種類都唔少，有牛，豬，雞，羊，海鮮，腸，丸同甜品，分好晒類比你揀。而飲品就响出面自取，自己想飲咩就自己攞。我覺得果d飲品都幾特別，有d款式出面又未見過。我哋就隨便點左d，樣樣都有，旁邊就有一個幾層高嘅架放串燒，一目了然。職員耐心教我哋點用，側邊仲有d調味料，鐘意加咩就加咩。呢個自助燒爐真係好犀利，一次可以燒好多串。佢支串燒叉有個花花齒輪，只要將佢放响運輸帶嗰度，佢就會自己自轉自己燒，超輕鬆。可以密密食，密密燒，正。佢呢度d食材睇落去都幾好，真係有想食嘅感覺。M6和牛牛柳肥瘦適中，有口感但又唔韌，要再encore。紐西蘭牛西冷同美國牛肋腩就小小肥啦，兩者都不錯。牛舌唔韌，味道好濃。美國豬肉眼唔係好肥，幾有豬味。荷蘭豬五花就比較肥，我就覺得麻麻。美國豬肩胛就瘦嘅，容易咬開，幾好。雞腎同雞軟骨爽口，食左好幾串。雞翼同雞卷肉燒到標晒油，好香口。羊卷肉一d都唔覺得有羊騷味，肉嫩。台
一出電梯就見到個招牌，入到去就覺得四圍都好乾淨，光線充足， 牆上仲有幅好靚好得意嘅掛畫，佢哋都響度食串燒，感覺好好。
呢度係用qr code點餐，種類都唔少，有牛，豬，雞，羊，海鮮，腸，丸同甜品，分好晒類比你揀。而飲品就响出面自取，自己想飲咩就自己攞。我覺得果d飲品都幾特別，有d款式出面又未見過。
我哋就隨便點左d，樣樣都有，旁邊就有一個幾層高嘅架放串燒，一目了然。職員耐心教我哋點用，側邊仲有d調味料，鐘意加咩就加咩。
呢個自助燒爐真係好犀利，一次可以燒好多串。佢支串燒叉有個花花齒輪，只要將佢放响運輸帶嗰度，佢就會自己自轉自己燒，超輕鬆。可以密密食，密密燒，正。
佢呢度d食材睇落去都幾好，真係有想食嘅感覺。M6和牛牛柳肥瘦適中，有口感但又唔韌，要再encore。紐西蘭牛西冷同美國牛肋腩就小小肥啦，兩者都不錯。牛舌唔韌，味道好濃。美國豬肉眼唔係好肥，幾有豬味。荷蘭豬五花就比較肥，我就覺得麻麻。美國豬肩胛就瘦嘅，容易咬開，幾好。雞腎同雞軟骨爽口，食左好幾串。雞翼同雞卷肉燒到標晒油，好香口。羊卷肉一d都唔覺得有羊騷味，肉嫩。台灣腸燒到勁脆，好好食。比較乾身嘅食材，蜆肉，雞髀菇，冬菇，豆腐，蝦卷，豆卜，魚片頭同墨魚丸等等都燒到脆卜卜，好似食薯片咁。魚肉年糕，外脆，裡面就煙煙靭靭。菠蘿同車厘茄就比較多汁，好熱，甜甜的。BBQ又點可以少得棉花糖，燒完出黎大大粒，滿口甜味。實在有好多嘢食，好食，好飽。
最後last order嘅時候，職員話甜品係雪糕，每人一杯。我就要左士多啤梨味，老公就要左朱古力味，食埋雪糕就更加滿足。
张贴
