5% Cafe

营业中

休息中

上次同個仔嚟食過玩過，估唔到4歲人仔咁好記性，成日嚷著要再嚟玩，約埋姨仔4人出動!今次佈置到偶像化，對於我地呢D年紀就唔覺什麼，但隔離班後生仔女就線興奮，係咁喺D佈置前面影相，等同當年我鍾意哥哥一樣，哈哈!個仔最想玩嘅小遊戲就係“甜品大師”，4個人鬥快跟咭上圖案擺籌碼，籌碼有底面兩個圖案，有時都唔容易㗎!食嘢方面今次點咗“5%黑松露手打牛肉芝士漢堡配薯條”，牛肉味道較淡，反而突顯咗黑松露嘅味道，即場食連埋薯條都會好味!“黑椒雞扒拼司華力腸配薯條”估唔到塊雞扒真係炸得出色，外脆內軟，肉汁豐盈，好味!“雙重芝士焗肉醬意粉”濃厚芝士覆蓋整碟意粉，適量嘅肉醬更加配合，不錯!飲品方面今次點咗“Rainbow”同“HoneyButterfly”，仲有上次試過嘅“ChocolateSmoothie”，前兩者顏色繽紛，飲落清新，好適合夏天飲，透心涼!比起上次，食物水準有顯著進步，職員服務態度亦一流，令感覺親切，上嚟食吓玩吓可以放鬆心情，開心一晚!